Thursday, November 29, 2007,6:20 AM
أحلامنا

ساعات بنحلم أحلام كتيييرة قوى,ممكن تكون احلام بسيطة بنحب نحلم بيها ساعات يتتحقق,وساعات مبتتحققش,وتضيع
فى زحمة الأحلام ومبنتضايقش بنعيش حياتنا ونرجع نحلم تانى,..................................م
وساعات بيكون لنا احلام كيييرة قوى بنحب نحلمها, بنغوص فى بحورها وبنطير فى أكوانها لدرجة إننا بنصدقها,بس رغم كده بنكون برضه قلقانين, خايفين ,خايفين الواقع يهزمنا,أو خايفين الحلم ميتحققش, ساعات بنحاول ننسى الخوف ونطوف بقلوبنا فى دنيا الحلم وساعات الخوف يتملك منا ويحاول يهدم احلامنا ,بس مهما كانت قوته
ر
مبيقدرش.س

 
posted by Dr Emad
Permalink ¤ 21 comments
Wednesday, October 17, 2007,3:17 AM
اعلان هام

طبعا بما اننا فى كلية الطب ,وكمان خلصنا سنه خمسه بكده نقدر نقول ان احنا مرينا والحمد لله بقسم الامراض العصبيه والنفسيه وكمان علم النفس وطبعا اتمارست علينا ضغوط كتير علشان يحببونا فى القسم ده من اول الغراءات الماديه لغايه التهديد باستخدام التنويم المغناطيسى وكمان الاشعاع والجلسات الكهربائيه

بس على مييييييييين

احنا ناقصين اكتئاب وبلاوى , الواحد عايش فى الدنيا بالعافيه وشايل همومه وكمان مش قادر

المهم

انا اتخيلت فى لحظه كده ان انا واحمد اتخصصنا نفسيه وعصبيه وكمان تخيلت ان احنا فتحنا مستشفى ومنتجع للراحه النفسيه

ورحت عامل الاعلان ده

ياريييت يعجبكوا

 
posted by Dr Emad
Permalink ¤ 21 comments
Saturday, October 13, 2007,5:19 AM
اجمل عيد فى حياتى

كل سنه وانتم بكل صحه وسعاده

ويارب يعود علينا وعلى الامه الاسلاميه بكل خييييييييير

انا مبسوط قوى لان ده اجمل عييد فى حياتى

انا اتحقق اكبر حلم فى حياتى بجد

بعد صلاه العيد على طول

انا مبسوووووووط جدا جدا

كل سنه وانتم بخير بمناسبه اجمل عيييد فى الدنيا

وشكم عليا حلو قوى قوى
 
posted by Dr Emad
Permalink ¤ 9 comments
Saturday, October 6, 2007,3:47 AM
الصداقه الصدوقه


ربيع 1995
تبدأ الحكايه فى استراحه بين شوطى ماتش كوره فى شارعنا الصغير حيث أول لقاء بيننا، اتذكر ذلك اليوم جيدا واتذكر شعورى وقتها حين سلمت لأول مره على صديقى أحمد، طبعا لم أشعر بأى شىء ولم أكن أعلم أو أتخيل وقتها ان هذا الطفل الصغيرالوسيم النحيف جدا سيكون هو صديق عمرى لمشوار يمتد ل13 عاما تقاسمنا فيهم كل لحظه فى حياتنا وكما كنت اقول دائما فقد كان الحزن مقسوما على 2 والفرح مضروبا فى 2

غمرت السعاده حياتنا وخاصه حينما كانت تتحقق احلامنا واحدا تلو الاخر، وها نحن سويا ننهى اخر امتحان لنا فى الفرقه الخامسه بكليه الطب البشرى
شعور رائع ان تجد من يسمع كل ما تسمعه ويرى كل ما تراه ويتفاعل مع الحياه باسلوبك يسره ما يسرك ويقلقه مايقلقك ، شعور لا يوازيه كنوز الدنيا وان كانت ملء البحار ذهبا

لم اجد فى حياتى ما اتكلم عنه فى البوست الافتتاحى لمدونتى الصغيره خير من صديقى احمد فكلانا يعتبر ان اعظم ما انجزناه فى حياتناهى تلك الصداقه الجميله ،هذا بالاضافه الى مجهوداته العظيمه وتشجيعه الكبير لى فى انشاء هذه المدونه (وهو طبعا المدون

الكبير صاحب مدونه مع نفسى ) فله جزيل الشكر والعرفان بالجميل

اما عن قنديل ام هاشم فهى حكايه كبيره جدا وهى حكايتى مع زمان وعشقى للماضى الهادىء الجميل واحترامى لعاداتنا الجميله وحرصى دائما على ايجاد وسيله للربط بين روعه التقدم التى نستمتع بها الان وروح الماضى الجميل ورائحته الجذابه ، اعتقد ان ذلك يكمن فى حبى وعشقى لفن الخط العربى والرسم ذلك الحب الذى يدفعنى دائما للبحث فى ربوع الماضى الجميل للاستمتاع بكل ما يحتويه من فن جميل

اتمنى ان تكون هذه المدونه هى انعكاسا لما بداخلى ،اتمنى ان اقدم بها كل ما يفيد ، ما يفيدنى و يفيدكم.

 
posted by Dr Emad
Permalink ¤ 32 comments
" />


الاقصى